انتوا فاهمين بقى..شاهد رسالة احمد شوبير الغامضة والمثيرة

وجه أحمد شوبير حارس مرمى الأهلي ومنتخب مصر السابق رسالة غامضة انتقد فيها ما يجري في بعض الأندية من تدخل فج لبعض المشجعين في أمور النادي.

وقال أحمد شوبير في تصريحات إذاعية: «كابتن لطيف الله يرحمه، كان بيقول اللاعب لاعب والحكم حكم والمدرب مدرب والمشجع مشجع، القصة اتقلبت دلوقتي بقه المشجع هو اللي بيدير وبيدخل في القرار ويقول لك إحنا هنجيب اللاعيب فلان وفلان وهنمشي فلان وحضرتك رئيس النادي أيه رأى حضرتك».

وتابع شوبير: «ينفع يبقى عندي مشجع يقول همشي لاعب وأقعد لاعب واجتماعات وحاجات غريبة، المدرب بس هو اللي يقول يلعب فلان وميلعبش فلان ده مش دورك، أنت اه قول براحتك إن نفسي يلعب بالتشكيل ده أو يغير اللاعيب الفلاني بس مش أكثر».

وأضاف شوبير: «لكن الناس توصل دلوقتي للتحكم في مصير الفريق، ومشجع يطلع يقول هنجيب فلان الفلاني وترتان الترتاني طب أنت كمجلس إدارة بتعمل أيه، وعندما تتخلى عن صلاحياتك يجب أن تتخلى عن مسؤولياتك، اه استعين بناس وخد رأيهم لكن في النهاية أنت صاحب القرار، وأكيد انتوا فاهمين أنا عايز أقول أيه