اغرب ما قال شوبير عن كالوشا وضياع ضربة جزاء انبى

دافع الإعلامي أحمد شوبير حارس مرمى الأهلي ومنتخب مصر السابق عن نجم فريق إنبي أحمد خليل كالوشا بعد الاتهامات القوية التي تعرض لها في الساعات الماضية عبر وسائل التواصل الاجتماعي.

وتعرض كالوشا لحملة قوية من الانتقادات والتشكيك والاتهامات بأنه أهلاوي بعدما أضاع ركلة جزاء لفريق إنبي أمام الأهلي في الدقائق الأخيرة خلال مباراة الفريقين أمس والتي انتهت بالتعادل السلبي.

وقال أحمد شوبير إمبارح أيمن الشريعي رئيس نادي إنبي صرف مكافأة استثنائية لكالوشا رغم إنه ضيع بنالتي في الدقائق الأخيرة، واللاعب الحقيقة قعد يبكي بعد نهاية المباراة وبعدين قال لك أنا تلقيت رسائل إني أنا ضيعت البنالتي بسبب المراهنات وبسبب انتمائي وبشكر الشريعي على دعمه وأنه يتعامل معي كأب وليس كرئيس ناد».

وأوضح أحمد شوبير: «هو إحنا وصلنا للدرجة دي هل ده مقبول يا جماعة أنا في حالة ذهول ودهشة عجيبة جدا من كل اللي بيتقال ده، مين يقول كده يا جماعة لهذه الدرجة إحنا بنشكك في الناس، لا أقف شويه هو احنا لو اكلمنا عليك كلمة ما يعجبكش لو قلنا حاجة ميعجبكش لكن أنت تستبيح ذمم الناس لهذه الدرجة، أصله أهلاوي أصله فيه مراهنات، مراهنات أيه يا أبومراهنات أنت هو فيه ايه مفيش احترام لآدامية البشر».

وأضاف شوبير: «هيطلع حد تاني يقول لك دلوقتي أصل ابنك اللي كان واقف لازم تقول كده، ابني ايه يا جدع ابني ايه يا اخي فيه أيه، أيه ده فيه أيه كل حاجة لازم يبقى لها وقفة فيه أي يا جماعة تقولوا الراجل ضيع البنالتي عشان أهلاوي ولا عشان ملف مراهنات، وواحد يكتب وتلاقي الكلمة طايرة في كل حتة حاجة عجيبة جدا».