نجم الزمالك يوجه ضربة موجعة الى شيكابالا

تحدث معتمد جمال، نجم الزمالك السابق، عن تقييمه لـ مستوى محمود عبدالرازق شيكابالا نجم الفارس الأبيض، مع الفريق خلال الموسم الجاري، وهل في رأيه أن يستمر شيكابالا مع الفريق أم مع فكرة اعتزاله؟

وقال معتمد جمال في تصريحات تليفزيونية عبر شاشة «إم بي سي مصر»: «الزمالك محتاج لعيبه، بس هل هيقدر يجيب الـ5 لعيبه اللي محتاجها؟ معتقدش، والمعروض دلوقتي على الزمالك ياما عامل مشكلة مع ناديه أو مبيلعبش أو مستواه لا يؤهله».

وأضاف: «على سبيل المثال مش عايز أكون قاسي على كونراد ميشالاك، بس هل اللاعب ده مستواه يؤهله في نادي الزمالك ولا الظروف اللي سمحتله أن ناديه السعودي كان عايز يجيب لاعب مكانه».

وأضاف: «مجلس إدارة نادي الزمالك معذور لأنه مش قادر يلبي الاحتياجات، ولكن على الرغم من كدة الفرقة دي يطلع منها حاجة بتدعيمات بسيطة سواء بعنصرين أو 3».

وأتم معتمد جمال تصريحاته قائلًا: «شيكابالا ميقدرش يلعب الربع ساعة الأخيرة، وأنا لو مدرب الزمالك هبدأ بيه من بداية المباراة، لأن شيكابالا يقدر يلعب شوط ومياخدش أقل من 45 دقيقة، وجوده في الملعب وبرا الملعب مهم».