نجم الاهلى يحرض رمضان صبحى على الانتقال الى الزمالك

وجه إبراهيم سعيد مدافع الأهلي ومنتخب مصر السابق رسالة نارية إلى رمضان صبحي نجم فريق بيراميدز ومنتخب مصر ولاعب الأهلي السابق في ظل ما يتردد حول مفاوضات من جانب نادي الزمالك معه.

وقال إبراهيم سعيد في تصريحات تليفزيونية مساء الجمعة: فيه كلام منتشر إن رمضان صبحي يرفض الانتقال للزمالك.. يا رمضان موضوع النادي الأهلي مقفول أنا بقوله عشان لو عنده أمل يرجع الأهلي، لإن الموقف بتاع رمضان كان مختلف عن الوضع حاليًا والاهلي وقتها عرض مبلغ كبير على رمضان صبحي بس هو رفض يقعد.

وتابع إبراهيم سعيد: أنا نفسي رمضان صبحي يستقر في مكان، حرام السنيين اللي بتمر من عمره، هو كسب فلوس بس خسر جماهير وخسر بطولات وخسر منتخب مصر يعني كان زمانه دلوقتي من أهم نجوم الأهلي وكان زمانه معمول له تمثال في الأهلي.

وأضاف إبراهيم سعيد: أنت خلاص كلها 4 سنيين أو أقل هتخش في سن الكبر أنا بقول لك لو فيه عرض من الزمالك روح عشان مفيش أمل في الأهلي وجمهور الأهلي زعلان منك قوي، لإن في الوقت ده الأهلي جابك من إنجلترا وساعدك ورجع لك البريق وأنت بعت ده كله والله العظيم أنت كنت في نعمة كبيرة جدًا أنا نفسي ملقتهاش