مهيب عبدالهادى:نجم الزمالك وقع وانضمام مصطفى محمد للاهلى مسالة وقت وكذلك ابراهيم عادل والايام بيننا

تحدث الاعلامى مهيب عبدالهادى ، عن أزمة تجديد أحمد مصطفى زيزو مع فريقه الزمالك، وإمكانية انتقال اللاعب للقلعة الحمراء.

وقال عبدالهادى في تصريحات تليفزيونية عبر شاشة «إم بي سي مصر»: «أوضة اللبس في الزمالك ممكن تنهار لو الزمالك جدد مع زيزو، وفي نفس الوقت ممكن الزمالك يقول للعيبة لما يجي وقتكم لو قدمتوا نفس المردود بتاع زيزو نتفاوض».

وأضاف: «لكن أنا مش مقتنع أن لاعب اطلعه ف الفرقة تنهار، دي مش سمات الفرق الكبيرة، كمان في عامل السن والتنافس بين الأندية وبعضها».

وأكمل: «السنين الأخيرة اللي الأهلي أخدوا ممكن ميكنش نجح أوي، ولكن لما نتكلم على كهربا ومؤمن زكريا وإمام عاشور فهما نجحوا أوي».

وأضاف: «الأهلي دايمًا بيفضل أوضة اللبس وخير دليل أزمة تجديد عبدالله السعيد، وبالتالي المارد الأحمر فضل أوضة اللبس اللي كان وقتها بيجدد معاه وليد سليمان وأكتر من لاعب آخر».

وأردف: «الأهلي ممكن ميديش اللاعب أحسن عقد، ولكن هو أحسن دخل من غير كلام، بسبب الحملات الإعلانية والدعاية، والبطولات الإفريقية».

وأشار عبدالهادى  إلى أن الاهلى فى سبيله لضم محمود بنتايك ويتردد ان اشرف بن شرقي دخل فى الامر وانضمام مصطفى محمد للاهلى مسالة وقت وكذلك ابراهيم عادل والايام بيننا