من خرج من داره اتقل مقداره..رسالة نجم الاهلى الى لاعب بيراميدز

علق محمود أبوالدهب، نجم النادي الأهلي السابق، على أزمة رمضان صبحي لاعب فريق الكرة الأول بنادي بيراميدز بشأن قضية المنشطات.

وأصدرت المحكمة الرياضية الدولية «كاس» قرارًا بإيقافه 4 سنوات عن ممارسة كرة القدم، بسبب قضية المنشطات.

وقال أبوالدهب في تصريحات تليفزيونية عبر برنامج البريمو المذاع على شاشة «تن»: «لو حطيت نفسي مكان رمضان صبحي مش هعمل اللي بيعمله ده، سلوكيًا اللاعب أخطأ والنادي لا يتحمل المسؤولية تمامًا، لإن ده سلوك فردي، وظلم نفسه».
وأضاف: «رمضان صبحي كان زمانه كابتن الأهلي لو كمل وممشيش، وهو لاعب كبير وموهبة عظيمة، وهو صعبان عليا جدًا ولكن هو اللي أخطأ، وربنا يفك كربه».

وأتم أبوالدهب تصريحاته قائلًا: «اللعيب اللي ميحافظش على موهبته والنعمة اللي ادهاله ربنا يبقى لعيب فاشل، في ناس أقل منك وبقيت نجوم لإنها ملتزمة ومحترمة نفسها ومحافظة على نفسها»