مبنلعبش في ماسبيرو زمان.. الغندور يطلق تصريحات نارية بشأن تجديد نجم الزمالك

في تصريحات مدوية علق خالد الغندور على ملف تجديد نادي الزمالك التعاقد مع لاعبه عبدالله السعيد للاستمرار ضمن صفوف الفريق الأبيض لفترة قادمة.

وقال خالد الغندور عبر قناة المحور: المصيبة الكبرى يقولك عبدالله السعيد أفضل لاعيب وعبدالله السعيد جامد جدا وعبدالله بيشترط يجدد بـ35 مليون جنيه، عبدالله السعيد ايه يا جماعة؟!

وتابع: عبدالله السعيد لاعب جامد جدا.. كان، بيعمل كل حاجة في الكرة.. كان، عبدالله السعيد عشان يكمل وهو 40 سنة عاوز فرقة تشيله وممكن يلعب نص ساعة أو تلت ساعة في الموسم الجديد اللي عاوز يجددله.

وأكمل: هيجددوا لعبدالله سنة او اتنين، انتوا بتهزروا يا جماعة؟! هو حارس مرمى ده لاعيب كرة في وسط ملعب جري ومفاصل وباور وبيلعب ضد شباب ميقدرش دي سنة الحياة، مجرد انك عاوز تخليه يكمل يبقى انت جدع كده معاه.

واختتم: لو عبدالله عاوز يعمل فلوس ما يروح ليبيا! عبد الله السعيد يقعد والزمالك يدفع له 10 مليون، يبقى 100 100 وعامل واجب مع عبدالله يعني، أنا مبقطعش في عبدالله، عبدالله من الزمن الجميل بس احنا مبنلعبش في ماسبيرو زمان ودي سنة الحياة.