عيب يا كابتن!.. نجم الأهلي يفتح النار على نجم الزمالك بسبب أزمة زيزو

ردود أفعال قوية انتشرت خلال الساعات الأخيرة عقب حديث جمال عبدالحميد نجم الزمالك، ودفاعه عن تصرفات جماهير نادي النادي الأبيض، بعد أزمة الهتافات ضد نجم الأهلي أحمد سيد زيزو في مباراة الزمالك وسيراميكا في الجولة الأولى من بطولة الدوري المصري.

وقال هاني رمزي نجم النادي الأهلي ومنتخب مصر منفعلًا: يا كابتن جمال أنت عارف الكلام ده في المدرجات مينفعش أطلع أقول كده، ذكر اسامي مراته وبحبك يا هدى والكلام ده عيب يا كابتن عيب، لا لا الكلام ده ما ينفعش يا كابتن.

وهتفت جماهير الزمالك ضد زيزو خلال مباراة سيراميكا وذكرت زوجته وقالت «بنحبك يا هدى»، وهو ما استوجب فرض عقوبة من رابطة الأندية على النادي الأبيض قيمتها 100 ألف جنيه.

وقال جمال عبدالحميد في تصريحات تليفزيونية عبر شاشة قناة النهار: زوجة الكابتن زيزو زملكاوية والجمهور بيقولها بنحبك يا هدى، هي قالت أنا زملكاوية ومحدش يقدر يخليني أهلاوية، فجمهور الزمالك بيرد لها الجميل ايه الشتيمة في كده؟.

وتابع جمال عبدالحميد: الست قالت أنا زملكاوية والناس بتقول لها بنحبك يا هدى عشان زملكاوية وبتحب نادي الزمالك أيه الغلط اللي في كده وأيه الخوض في العرض في إن واحد يقول أنا بحب الزملكاوية دي؟.