صدمة كبر للزمالك بشان المنافسة على الدورى بين الاهلى وبيراميدز

كشف الإعلامي أحمد شوبير حارس مرمى الأهلي ومنتخب مصر السابق فرص الأهلي وبيراميدز وكذلك الزمالك في المنافسة على لقب بطولة الدوري المصري الممتاز في الموسم الجاري.

وتتصدر الأندية الثلاثة أول 3 مراكز في جدول ترتيب بطولة الدوري المصري حتى الآن بفارق 3 نقاط فقط بين الأول والثالث على النحو التالي:

بيراميدز: 20 نقطة
الأهلي: 19 نقطة
الزمالك: 17 نقطة
ويواجه الأهلي نظيره بيراميدز اليوم في مباراة صعبة عنوانها البحث عن صدارة جدول ترتيب الدوري هذا الموسم.

وقال أحمد شوبير: «لو الأهلي فاز على بيراميدز والزمالك في الدور الأول ده هيكون هو الأقرب للفوز بالدوري، لو بيراميدز فاز على الأهلي والزمالك هيكون هو الأقرب، لكن لو الزمالك فاز على الأهلي وبيراميدز في الدور ده يفضل الدوري ما بين الأندية الثلاثة».

وتابع أحمد شوبير: «هتقول لي يا أخي مش هتبطل أهلاويتك دي، أشمعنى الزمالك يا كابتن لو فاز على الأهلي وبيراميدز ما يكسبش الدوري، ده لإنه حضرتك اللاعيبة اللي موجودة كان الله في عونها العدد اللي عنده مش كبير قوي وخسران 3 مباريات حتى الآن في بطولة الدوري».

وأضاف شوبير: «عموما بصفة عامة الفريق اللي هيفوز على الاثنين التانيين هيكون هو الأقرب، إحنا في الجولة العاشرة يعني فاضل على انتهاء الدوري 15 جولة فقط، فالسنة دي اللي هيخطف ويجري هيفوز في النهاية».

واختتم شوبير: «حتى فريق المصري البورسعيدي كان ممكن يبقى له فرص بعد البداية القوية اللي عملها لكنه فرط في البداية القوية بعد ذلك».