شوبير يهاجم كولر بسبب نجم الاهلى

كتب محمد عبدالوهاب: هاجم الإعلامي أحمد شوبير حارس مرمى الأهلي ومنتخب مصر السابق، المدرب السويسري مارسيل كولر بسبب ما قام به في الدقائق الأخيرة من عمر مباراة الأهلي والاتحاد السكندري في الدوري

وقال أحمد شوبير: «مش عارف امتى هندي الفرصة للشباب أنت منزل محمد سمير في الدقيقة 89، والفرقة متعادلة مينفعش، هو ولد كويس بس مينفعش تعمل كده».

وتابع شوبير: «لازم الناس تفكر هي مش شعارات وبس: الشباب الشباب الشباب، من ساعة ما كان عندي 17 سنة بيقولوا الشباب وإحنا فين وأوروبا فين وتيجي تلاعب عيل صغير يقول لك هو ده وقته إحنا عايزين الدوري».

وأوضح شوبير: «أمتى هنخلي اللاعيبة دي تشارك وندي الفرصة من بدري، لامين جمال وجمال موسيالا وميسي ورونالدو لعبوا وهما عندهم قد أيه، وفي مصر كابتن الخطيب لعب وهو 18 سنة وطاهر أبوزيد وإكرامي 17 سنة ومصطفى يونس 18 سنة، زمان كانوا بيدوا الناس فرصة فأنت هتديهم فرصة أمتى مينفعش يا جماعة

وتعادل الأهلي أمام الاتحاد السكندري بهدف لكل فريق وقام كولر في الدقيقة قبل الأخيرة من عمر الوقت الأصلي بالدفع بمهاجم الأهلي الشاب محمد سمير في تشكيلة المارد الأحمر.