شوبير يفتح النار على الزمالك ويكشف كواليس جديدة في أزمة زيزو

في تصريحات نارية جديدة، وجه الإعلامي أحمد شوبير حارس مرمى الأهلي ومنتخب مصر السابق، انتقادا لاذعًا لمسؤولي نادي الزمالك بعد طلبهم تأجيل الرد على شكوى اللاعب السابق أحمد سيد زيزو، في القضية المثارة حاليًا داخل اتحاد الكرة المصري.

فين الورق يا زمالك؟!

وخلال برنامجه الإذاعي، قال شوبير: بقالنا فترة طويلة بنتكلم عن قضية زيزو والزمالك، لكن امبارح كان الزمالك في اتحاد الكرة للرد على الشكوى، والمفاجأة إنهم طلبوا تأجيل شهر كامل لتجهيز المستندات، وده أمر غريب جدا.

وأوضح شوبير تفاصيل الأزمة قائلا: زيزو لاعلب النادي الأهلي بيقول إن له مستحقات متأخرة قيمتها 83 مليون جنيه، بينما الزمالك بينفي الكلام ده وبيقول إن اللاعب هو اللي مديون بأكثر من 20 مليون جنيه.

وأضاف نجم الأهلي السابق بنبرة تعجب: يا جماعة أنتم بقالكم فترة بتأكدوا لجمهور الزمالك إن كل الأوراق جاهزة وموثقة.. طيب ليه ما قدمتوهاش؟! هل فعلًا عندكم مستندات ولا لأ؟.

واختتم شوبير حديثه بتساؤلات قوية:

إحنا دلوقتي في شهر أكتوبر، وبعده توقف دولي وبطولة أفريقيا، فالمفروض الصورة تبقى واضحة.. أتمنى الزمالك يقدم أوراقه خلال الشهر ده ويكسب القضية، أو يعلن بصراحة لو مفيش مستندات بدل ما نفضل نشغل الرأي العام بكلام مش محسوم.