سيد عبدالحفيظ:صفقة الاهلى الكبرى وصلت وهذا مركزه والزمالك فريق كبير لكن مع الاهلى هذا موقعه

1 week ago 14

كشف سيد عبدالحفيظ، مدير الكرة الأسبق بالنادي الأهلي، عن البديل الأنسب في مركز خط الدفاع بالقلعة الحمراء، في ظل الإصابات المتكررة لـ الوافد الجديد أشرف داري.

وقال سيد عبدالحفيظ، في تصريحات تليفزيونية عبر شاشة «إم بي سي مصر»: «الأهلي محتاج يبقى عنده حتة الاستحواذ من مركز المدافعين، والحل هو محمد هاني عملها قبل كدة وبيعرف يطلع بالكورة من ورا».

وأضاف: «الضغط على الأهلي مش بيبقى بشكل كبير، وكمان في مركز الوسط عاجبني أوي ثلاثية أفشة وإمام ومروان عطية في الوسط، ولكن أنا شايف هاني يقدر يبني كرة من الخلف».

وأكمل: «إصابات أشرف داري مخلتناش نشوفه أوي، شيء مهم أن يبقى عندي خيارات لعب لـ تحضير اللعب من الخلف».

وأردف: «في حال مشاركة محمد هاني في مركز المساك لما يرجع بالسلامة مش هيبقى ريسك ولا أي حاجة، لأنه لعبها قبل كدة».

وعلق سيد عبدالحفيظ، على فوز الزمالك أمام نظيره سموحة في الدوري المصري الممتاز، بهدفين دون رد أحرزهما ناصر منسي ومصطفى شلبي.

وقال سيد عبدالحفيظ في تصريحات تليفزيونية عبر شاشة «إم بي سي مصر»: «زيزو لعيب كبير جدًا ومفيش جدال ونقاش أنه من أحسن اللاعبين في آخر 3 سنوات، وأكيد غيابه كان مؤثر».

وأضاف: «ساعات الزمالك بيكسب وهو مش أحسن حاجة، ودي سمة من سمات الكبار، ولكن عن المستوى الفني الـ45 الأولى سموحة ميطلعش خسران أبدًا».

وتابع: «الهدف الأول للزمالك خطئ كبير من الهاني سليمان لولاه كانت الأمور هتبقى غير، لأن سموحة كان أفضل في أغلب أوقات الشوط الأول».

وأكمل مدير الكرة السابق بالنادي الأهلي: «في لاعبين داخل الزمالك بتتفوق على نفسها وبتقدم مستويات مذهلة زي حسام عبدالمجيد اللي بيقوم بدور كبير مع الزمالك، وبدء الموسم بمنتهى الجمال ولعب ماتشين قدام الأهلي ومباراة أمام بيراميدز، وبعدين البنك الأهلي، وكمان بشيد بـ حمزة المثلوثي».

وأتم سيد عبدالحفيظ تصريحاته قائلًا: «عواد حارس كبير كمان بس غلط غلطة كبيرة وكان ممكن تيجي هدف في الزمالك، في كرة اللي استلمها حسام حسن بطريقة وحشة أوي».

إعلن على موقع بيع وإشتري بالمجان

[feed url="https://saleandbuy.site/ads/" number="10"]