ساعود الى الاهلى قريبا..عصام الحضرى انا زى الهرم

رد عصام الحضري، حارس مرمى الأهلي ومنتخب مصر السابق، على الانتقادات التي تعرض لها في الأيام الماضية بسبب تصريحاته عن لقب «الأسطورة»، في الكرة المصرية.

وقال عصام الحضري، خلال حواره مع «المصري اليوم»،: «الناس زعلانة ليه من إنى بتكلم عن حقيقة وهى إنى أسطورة، ودا مش كلامى دا كلام (فيفا)، وبعدين لما أفرح بنفسى واحتفل بإنجازى دا حقى ولو ماحتفلتش دلوقتى احتفل لما أموت وأنزل (التربة)، ولو حد زعلان فبقوله ازعل براحتك أنا أسطورة وقفازاتى في متحف الفيفا تشهد بذلك».

وبسؤاله لماذا تقلل من زملائك وتصف نفسك أنت فقط وصلاح بمن يستحق لقب أسطورة؟ قال: «أنا بحترم كل زملائي، ولما بتكلم بقول حقيقة، فهناك أسطورة محلية لو فزت بدورى وكأس وهناك أسطورة قارية لو حققت إنجاز على مستوى إفريقيا، واحنا عندنا هنا أساطير كتير زى ابوتريكة ومتعب وفتحى وأحمد حسن، وكل الأجيال التي حققت بطولة إفريقيا، لكن على المستوى العالمى مفيش أسطورة غيرى أنا وصلاح، وبدليل (فيفا)، لما يدعونى لاحتفالاته يدعونى كأسطورة من أساطيره لإنجاز أكبر لاعب في التاريخ في مونديال روسيا، وأنا الوحيد من مصر الذي تم وضع قفازه في متحف فيفا وصلاح حتى الآن لم يوضع شىء باسمه في المتحف، وأتمنى أن يحدث ذلك قريبا».

ويسؤاله ألا تبالغ بمقارنة نفسك بأهرامات مصر الثلاثة؟: «زمان كان أي حد يلعب كورة الناس تقوله يا (كابتن مصر)، دلوقتى لو لاعب لعب (أوت) كويس الناس تناديه يا (أسطورة)، وفى ناس محدش فاكر ليها ماتش بس بتظهر كل يوم، في الإعلام ويلقبوها يا أسطورة، حتى كلمة أسطورة بقت زى (اللبانة) وتقال على أي حد وأنا بقول رأيى مابزعلش من حد لم ينتقدنى، وشايف نفسى زى أهرامات مصر الثلاثة وكمان أبوالهول، ومن حقى إنى أفتخر بكل ما هو جميل وتاريخى في بلدى، ولا أقارن نفسى بيهم ولكن أستمد فخرى من عظمتهم وكونهم أساطير مصرية خالدة