زيزو يفتح المزاد للرحيل عن الزمالك وسيف زاهر يكشف موقف الاهلى

كشف الإعلامي سيف زاهر، تطورات مثيرة، في ملف أحمد مصطفى «زيزو»، لاعب فريق كرة القدم بنادي الزمالك، ومستقبله في القلعة البيضاء خلال الفترة المقبلة.

وينتهي عقد زيزو مع الزمالك بنهاية الموسم الجاري، وتشير بعض التقارير، إلى وجود اهتمام قوي من جانب النادي الأهلي، بضم اللاعب، بداية من الموسم القبل، حيث يحق له التوقيع لأي فريق في الوقت الحالي.

وقال سيف زاهر في تصريحات خلال برنامجه المذاع على فضائية «أون سبورت»: «والد زيزو فتح المزاد، وبيفاوض 3 أندية في الدوري القطري، وهما الوكرة والعربي والشمال، لكن الشمال خرج من المنافسة، لأن الأرقام كبيرة جدا».

وأضاف: «والد زيزو بيفتح الكلام بمبلغ 4 مليون دولار في الموسم، هل الملبغ ده ممكن في نادي يديه لزيزو؟، مستحيل، لكنه عايز يبقى معاه عرض في إيده يستغله في المفاوضات مع الزمالك».

وتابع: «أنا شايف إن أمور زيزو كل يوم بتصعب، والأزمة بتزيد، لأن أصبح لاعب حر، ويمكنه الانتقال لأي نادي بعد 3 شهور، والجملة اللي أنا بستبعدها هي التضحية لنادي الزمالك وجمهوره، لأنها مش هتكون موجودة».

وأتم: «الأمور أصبحت واقعية من جانب والد زيزو، ومفيش عاطفة، يعني لو هتنازل هاخد 2 مليون دولار بدل 4 مليون، يعني 100 مليون جنيه، وعمولة 20 مليون جنيه، وماعتقدش الزمالك هيقدر يدفع المبالغ دي».