زلزال يضرب الزمالك ونجم الاهلى على ابواب الابيض وكولر مصيره لم يعد مجهولا

تحدث سيد عبدالحفيظ، نجم النادي الأهلي السابق، عن أزمة تجديد أحمد مصطفى زيزو مع فريقه الزمالك، وإمكانية انتقال اللاعب للقلعة الحمراء.

وقال سيد عبدالحفيظ في تصريحات تليفزيونية عبر شاشة «إم بي سي مصر»: «أوضة اللبس في الزمالك ممكن تنهار لو الزمالك جدد مع زيزو، وفي نفس الوقت ممكن الزمالك يقول للعيبة لما يجي وقتكم لو قدمتوا نفس المردود بتاع زيزو نتفاوض».

وأضاف: «لكن أنا مش مقتنع أن لاعب اطلعه ف الفرقة تنهار، دي مش سمات الفرق الكبيرة، كمان في عامل السن والتنافس بين الأندية وبعضها».

وأكمل: «السنين الأخيرة اللي الأهلي أخدوا ممكن ميكنش نجح أوي، ولكن لما نتكلم على كهربا ومؤمن زكريا وإمام عاشور فهما نجحوا أوي».

وأضاف: «الأهلي دايمًا بيفضل أوضة اللبس وخير دليل أزمة تجديد عبدالله السعيد، وبالتالي المارد الأحمر فضل أوضة اللبس اللي كان وقتها بيجدد معاه وليد سليمان وأكتر من لاعب آخر».

وأردف: «الأهلي ممكن ميديش اللاعب أحسن عقد، ولكن هو أحسن دخل من غير كلام، بسبب الحملات الإعلانية والدعاية، والبطولات الإفريقية».

وأشار إلى أن سعر لاعب الأهلي في البرامج التليفزيونية مختلف عن أي حد، وده مش مكيدة في حد ولكن ده الواقع.

أبدى سيد عبدالحفيظ، نجم النادي الأهلي السابق، عن رأيه في إمكانية رحيل السويسري مارسيل كولر المدير الفني للأهلي، بسبب تعثر الفريق في نتائج بعض المباريات الأخيرة.

وأكد سيد عبدالحفيظ خلال ظهوره التليفزيوني على شاشة «إم بي سي مصر»: «مباراة الزمالك لازم تتنسي من كل الاتجاهات لأنها خلصت، أنا مش من أنصار خالص أن كولر يتوجهله حاجات كتير في الأيام اللي احنا فيها ومن ضمنها المطالبات برحيله».

وأضاف: «صعب جدًا قرار يتاخد بالشكل ده إن كولر يمشي، لأن ده مش في مصلحة الفريق وخاصة في الوقت ده شهرين ويخلص الدوري وداخل على مباريات مهمة في أفريقيا».

وأردف: «ممكن في نهاية الموسم يبقى في قرار برحيله ده شيء وارد وتعيد تقييم الموقف، ولكن الوقت الحالي مباراة الزمالك للنسيان ونركز في اللي جاي».