الأزمة تشتعل داخل الزمالك.. نجم الفريق يفتح النار برسائل نارية ضد مرتضى منصور 

الزمالك، شهدت الساعات الأخيرة تصعيدًا جديدًا في الأزمات المحيطة بالمستشار مرتضى منصور، رئيس نادي الزمالك السابق، بعدما خرج نجم الفريق الأسبق أسامة حسن بكشف مثير عن تلقيه رسائل تحمل تجاوزات شخصية من مرتضى منصور.

وقال أسامة حسن في تصريحات اليوم: في شهر 8 اللي فات المستشار مرتضى بعتلي رسائل على تليفوني لا تليق، ومؤخرًا كرر نفس التجاوزات تاني إمبارح والنهارده، لقيت رسائل بيقول فيها (خلي ممدوح عباس ينفعك)، وأنا عمري ما قابلت ممدوح عباس، لكن لما عمل حاجة كويسة للنادي شكرته واعتذرت له، زي ما كنا بنشكر أي حد بيخدم الزمالك.

وأضاف: دلوقت مرتضى بيخرب الزمالك، فليه نشكره؟! لا عايزينه في الساحة ولا عايزينه يرجع النادي، حتى عمرو أديب شكرناه لما وقف مع الحق، أما أنت النهارده مهما عملت مش هنمحي اللي حصل، وأنا مش بخاف من حد ولا منك.

وتابع رسالته الحادة: دي آخر مرة هوجهالك، بلاش تجاوز أنا بحترم أولادك وسنك، لكن من النهارده مفيش احترام خلاص، أي حاجة هتعملها هتلاقي رد فعل قوي مني، وأنا قولتلك قبل كده ومش هرجع في كلامي.

وتأتي تصريحات أسامة حسن بعد ساعات قليلة من التراشق الإعلامي بين مرتضى منصور والإعلامي عمرو أديب، على خلفية أزمة سحب أرض نادي الزمالك بمدينة 6 أكتوبر، ما يزيد من اشتعال المشهد داخل الزمالك.