إبراهيم سعيد يفتح النار على منتخب الشباب.. مبيعرفوش يباصوا

أطلق إبراهيم سعيد نجم النادي الأهلي ومنتخب مصر السابق، تصريحات نارية، منتقدا أداء منتخب مصر للشباب بعد خروجه المبكر من بطولة كأس العالم من دور المجموعات،

وقال إبراهيم سعيد إن سبب اخفاق منتخب الشباب يعود إلى غياب التأسيس الصحيح وضعف الإعداد الفني والبدني للاعبين.

وقال إبراهيم سعيد خلال مداخلة عبر برنامج «أوضة اللبس» على قناة النهار: منتخب مصر للشباب مفيهوش تأسيس، وده السبب الرئيسي في الخروج من البطولة، اللاعيبة مبيعرفوش يباصوا، والمعدل البدني عندهم ضعيف جدًا، تحس إنهم مش بيتمرنوا كويس.

أضاف: لي عتاب كبير على المدربين، كثير منهم لا يعملون بالأسلوب العلمي الصحيح، المفروض ليهم دور مهم مع اللاعيبة الصغيرة، لكن ده للأسف مش موجود عندنا في مصر.

وأكمل إبراهيم سعيد: المدربين دلوقتي بيمشوا أمورهم، مش بيشتغلوا صح مع اللاعيبة، المفروض المدرب يشوف النواقص عند كل لاعب ويطورها، مش يفرح بالمنصب ويكبر دماغه.

واختتم: الاهتمام بقطاع الناشئين والشباب هو الأساس لبناء منتخب قوي في المستقبل، مطالبًا بضرورة إصلاح منظومة التدريب في المراحل السنية الصغيرة.